Son dönəmlər saxta veteranlar, əlillər və ictimai təşkilatın pulla satdığı medallar keçmiş döyüşçülər arasında haqlı narazılığa səbəb olur.
Tədbirlərdə sinəsi medalla dolu şəxsləri görəndə adamın gözü önünə II Dünya Müharibə iştirakçıları gəlir. II Dünya Müharibəsi iştirakçıları döyüşərək, qələbə əldə edərək bu medallara layiq görülüblər. Bəs Azərbaycanda döyüş görməmiş, saxta veteranlıq almış, sinəsini 100-150 manata, bəzən tanışlıqla başa gələn medallarla dolduranlar hansı üzlə sinəsini irəli verir? Bunu anlamaq mümkün deyil.
“Hər hansısa ictimai təşkilat özü medal düzəltdirir, onu hazırladır və sonra da insanlara deyir ki, bu medal filan qiymətə başa gəlib, onun pulunu ödəyərək ala bilərsən. Bu qəbul edilməzdir və haqlı şəkildə bu hallar döyüşmüş, yaralanmış, can qoymuş insanlarda narazılıq doğurur. İctimai təşkilatlar bu cür medalları təkcə pulla satmır, özlərini şirin satmaq üçün icra başçılarına, deputatlara da verirlər.
Azərbaycan Vətən Müharibəsi Veteranları İctimai Birliyi (AVMVİB) ölkənin ən iri veteran təşkilatı olaraq ölkədə böyük nüfuza sahib bir birlikdir.
"Pulu olan istədiyini edir, imkansız olan öz haqqını ala bilmir"
Azərbaycan Vətən Müharibəsi Veteranları İctimai Birliyinin Ağcabədi rayon şöbəsinin sədri Tələt Rüstəmovun Ağcabədidə bu cür qanunsuzluğa yol verməsi həqiqətən utancverici bir hadisədir. Ağcabədidə əsas işinin veteranların hüquqlarının qorunması, onların problemlərinin həllində yaxından iştirak etməsinin unudaraq, saxta yollarla medal satır.Rayon sakinləri bildirir ki, "pulu olan hər kəsə qanunsuz yolla medal satır, əsl Qarabağ qazilərinə, döyüşçülərinə isə pul vermədiyi üçün başından edir".
Ağcabədi sakini, I Qarabağ müharibəsinin iştirakçısı və qazisi olan , məktəbdə biologiya müəllimi işləyən Əliyev Səfadan medal üçün 50 manat məbləğində pul istəyən AVMVİB-nin Ağcabədi rayon şöbəsinin sədri Tələt Rüstəmov, imkansız sakinə qanuni olan medalını vermir.
Bir sözlə kimin adamı, pulu var qabaqdadır. Biz belə şeyləri qəbul eləmirik və çox böyük haqsızlıqdır. Ən azından bu cür medalların "50-100" manat arasında bir məbləğə satılması,ümumiyyətlə pulla satılması, veteranlara, qazilərə, şəhidlərə və onların ailələrinə bir başa hörmətsizlikdir. Bu bir başa dövlətə xəyanət,ona etibar edilərək verilmiş səlahiyyətdən şəxsi mənfəəti üçün istifadə etməkdir. Korrupsiya hallarına yol verən AVMVİB-nin Ağcabədi rayon şöbəsinin sədri Tələt Rüstəmov, ümid edirik ki, aidiyyəti olan qurumlar tərəfindən araşdırılacaq və lazımi tədbirlər görüləcək.
